संचारबंदीच्या काळात घरी बसून काय करायचं, असा प्रश्न पडल्यानंतर प्रत्येकाने त्यावर आपापलं उत्तर शोधलंय. जो तो आपल्या आवडीचं आणि आपल्याला सुचेल ते वेगळं काम करतोय. कोणी गाणी म्हणतंय, वाद्य वाजवतंय, तर कोणी आपली कला फेसबुक लाइव्हवरून दाखवतंय. कोणी घरात असलेली पुस्तकंही वाचतंय... पण तुम्हाला त्यापेक्षा वेगळी पुस्तकं आणि तीही मोबाइलवर वाचायचीत किंवा ऐकायचीत का? मग त्यासाठी
‘बुकगंगा डॉट कॉम’चा समर्थ पर्याय तुमच्यासाठी उपलब्ध आहे.
‘बुकगंगा’ हे मराठी पुस्तके जगभर घरपोच पोहोचविणारे एक विश्वसनीय नाव आहे, हे तुम्हाला माहिती आहेच. केवळ छापील पुस्तकेच नव्हे, तर ई-बुक्स आणि ऑडिओ बुक्सही ‘बुकगंगा’द्वारे उपलब्ध केली जातात. ‘बुकगंगा’च्या अॅपच्या माध्यमातून या पुस्तकांचा आस्वाद मोबाइलवर, कम्प्युटर/लॅपटॉपवर किंवा अगदी आयपॅडवरही घेता येतो. ‘बुकगंगा’चे ई-बुक रीडर, तसेच ऑडिओ बुक रीडर अॅप बुकगंगा डॉट कॉमवरून, तसेच गुगल प्ले स्टोअरवरून आणि अॅपल अॅप स्टोअरवरून मोफत डाउनलोड करता येते.
आजच्या घडीला ‘बुकगंगा’वर १२ हजारांहून अधिक ई-बुक्स उपलब्ध आहेत. त्यामध्ये कथा-कादंबऱ्यांपासून चरित्रे, आत्मचरित्रांसह आध्यात्मिक, प्रवासवर्णने, पाककला, बालसाहित्य, वैचारिक, जीवनशैली, आरोग्य आदी विविध प्रकारच्या ई-बुक्सचा समावेश आहे. तसेच, मराठी, इंग्रजी आणि हिंदी अशा वेगवेगळ्या भाषांतील ई-बुक्स त्यात आहेत.
महत्त्वाची गोष्ट म्हणजे यातील सुमारे ५०० ई-बुक्स वाचकांसाठी अगदी मोफत उपलब्ध आहेत. त्यात स्वातंत्र्यवीर सावरकरांचे समग्र साहित्य, ‘मिळून साऱ्याजणी’ मासिकाचे जुने अंक, यांसह विविध प्रकारच्या साहित्याचा समावेश आहे.
वेगवेगळ्या विषयावरील १४० ऑडिओ बुक्सही ‘बुकगंगा’वर उपलब्ध आहेत. त्यात स्वातंत्र्यवीर सावरकरांवरील ‘अनादि मी अनंत मी’ या ध्वनिनाट्यासह ‘बुकगंगा’चे ऑडिओ दिवाळी अंक मोफत उपलब्ध आहेत.
ही सुट्टी सत्कारणी लावायची असेल, तर ‘बुकगंगा’वरील ई-बुक्स आणि ऑडिओ बुक्सचा आनंद जरूर घ्या आणि तुमच्या मित्रमंडळींनाही याविषयी जरूर सांगा...
काही लिंक्स :